●  Fjölmiðlatengsl og fréttatilkynningar

Mikilvægt tæki almannatengsla er að halda sambandi við fjölmiðla, boða þá á fundi, viðburði eða einfaldlega fá viðtal og umfjöllun um fyrirtækið í formi fréttar. Einnig er hægt að senda út fréttatilkynningar þegar fjölmiðlar eru fjarverandi til að vekja athygli á áhugaverðu málefni sem fyrirtækið stendur að.

Samráð býður fyrirtækjum upp á aðstoð við gerð fréttatilkynninga og útsendingu þeirra á viðeigandi miðla og er það því bæði auðvelt og hentugt fyrir fyrirtæki að nálgast og notfæra sér þessa þjónustu.

●  Viðburðastjórnun

Oft gefast tilefni og tækifæri til að hafa enn meiri áhrif á skynjun viðskiptavina á fyrirtækinu, vörunni eða þjónustunni. Samráð aðstoðar fyrirtæki við skipulagningu, framkvæmd og eftirfylgni við stóra jafnt sem smáa viðburði og leggur metnað sinn í að vel takist upp með sem minnstum tilkostnaði. Sem dæmi um viðburði eru fjölskylduhátíðir og skemmtanir, tónleikar, kynningarherferðir og aðkoma fyrirtækja að styrktarfélögum.

●  Bein samskipti

- Markpóstar til markhóps eða núverandi viðskiptavina

- Skilaboð til starfsmanna og fjárfesta

- Skilaboð til samfélagsins

- Skilaboð til annarra hagsmunaaðila

- Krísustjórnun

Samráð aðstoðar fyrirtæki við undirbúning og framsetningu á samskiptum við ofangreinda aðila og er fyrirtækjum innan handar er varðar ráðgjöf á innihaldi skilaboða hverju sinni.